Тұрғындарға су тасқыны болған жағдайда жадынама

Тұрғындарға су тасқыны болған жағдайда жадынама

*Құрметті Қобда ауданының тұрғындары мен қонақтары!*

🔺Қауіпті аймақтарда су қоймалары мен су шайып кетуге бейім жерлерді мекендейтін тұрғындар аса сақтық танытқан жөн. Синоптиктер мен құтқару қызметтерінің хабарландыруларына құлақ асып, су тасқынына алдын ала дайын болулары қажет.

🔻Ол үшін:
— баспанаңыздың іргесі берік болуы үшін әрекет жасаңыз;
— судан құтқару құралдарын, құтқару жилеттер алып қойыңыз;
— үй маңындағы қарды аршып тұрыңыз, шатырларда қар жиналып қалмауын қадағалаңыз;
— арықтар мен жылғаларды, су ұстауы мүмкін жерлерді тазартып отырыңыз;
— су тез толатын орындардан, оның ішінде жертөлелерден мүліктеріңізбен азық-түлікті шығарып қойыңыз. Оларды құрғақ орындарда сақтаған дұрыс;
— үй жануарларыңыздың да қамын ертерек жасаңыз.

🧰Су басу қаупі төнгенде аса қажетті дүниелерді бір сөмкеге жинап, дайындап отырыңыз. Ол сөмке ішінде:
— қажетті заттар, құжаттар, дәрі-дәрмектер мен ақша болуы керек, оларды су өтпейтін тығыз материалға оралған жөн;
— сөмкеде ұзақ уақыт сақталатын азық-түлік болуы керек, герметикалық ыдысқа салынғаны дұрыс.

⚠️Эвакуация кезінде:
— электр жарығын және газды өшіріңіз;
— барлық есік-терезені жауып, қажетті заттарды алдын ала алып шыққан дұрыс.

📞СУ БАСУ ЖӘНЕ ШАЮ ҚАУПІ ТӨНГЕН ЖАҒДАЙДА
101 ЖӘНЕ 112 ТЕЛЕФОН НӨМІРЛЕРІНЕ ХАБАРЛАСЫҢЫЗ.